"Ливерпул"нинг ҳужумкор ярим ҳимоячиси Харви Эллиотт Лондоннинг "Тоттенхэм" клубига ўтиши мумкин. Бу ҳақда журналист Себастьян Видаль маълум қилди.
Манбага кўра, "шпорлар" Эллиот трансфери бўйича "Ливерпул"нинг молиявий талабларини қондиришга тайёр.
Ўтган мавсумда Эллиотт барча турнирларни қўшиб ҳисоблаганда 28та ўйинда майдонга тушиб, рақиблар дарвозасини 5 марта ишғол қилди ва 3та голли узатмани ўз ҳисобига ёздириб қўйди.
Transfermarkt портали мутахассислари 22 ёшли ярим ҳимоячининг нархини 30 миллион еврога баҳоламоқда.













