"Челси" ва "РБ Лейпциг" ҳужумкор ярим ҳимоячи Хави Симонс бўйича музокараларни давом эттирмоқда.
Ойнинг бошида трансфер деярли амалга оширилган деб ҳисобланганига қарамай, клублар ҳали операция тафсилотларини ҳал қилишлари керак. The Guardian хабарига кўра, музокараларни осонлаштириш учун "кўклар" келишувга ўз ҳужумчиси Кристофер Нкункуни қўшишга тайёр. Эслатиб ўтамиз, француз Англияга кўчиб ўтишидан олдин айнан "РБ Лейпциг" сафида тўп тепган ва у ерда ўзини ажойиб тарзда кўрсатган.
Хави Симонс "Челси" билан келишиб бўлган ва клублар трансферни ёпишини кутмоқда. Transfermarkt портали 22 ёшли нидерландиялик футболчининг нархини 70 млн еврога баҳоламоқда - бу Нкункудан роппа-роса икки баробар қиммат.
