"Милан" ҳужумчиси Сантьяго Хименес жамоа бош мураббийи Массимилиано Аллегри ҳақида қандай фикрда эканини айтди.
Италиялик мураббий клубни тарк этганидан 11 ярим йил ўтиб яна клубга қайтди. 58 ёшли мураббий 2024/25 йилги мавсум якунида лавозимини тарк этган Сержиу Консейсау ўрнини эгаллади.
"Агар олдинги бир неча ой билан солиштирадиган бўлсак, ҳозир жамоадаги муҳит бутунлай бошқача. Аллегри - бутун таркибни жипслаштира оладиган мураббий, у ақл бовар қилмас шиддат билан ишлайди. Унинг қўл остидаги машғулотларнинг биринчи куниданоқ менда бизни ажойиб мавсум кутаётганини ҳис қилдим," - деди Хименес Sky Sport Italia нашрига берган интервьюсида.
