"Ювентус" ярим ҳимоячиси Фабио Миретти жорий трансферлар даврида жамоани тарк этиши мумкин.

Ўтган ҳафтада Италия матбуоти жамоа бош мураббийи Игор Тудор "Наполи" қизиқиш билдираётганига қарамай, 22 ёшли футболчини жамоада олиб қолмоқчи экани ҳақида хабар тарқатганди. Repubblica нашрининг хабар беришича, Миреттининг ўзи кетиш ҳақида жиддий ўйламоқда ва "Наполи" аллақачон хавбек бўйича музокараларни қайта бошлаган. Туринликлар сотувни фақат ўз шартлари билан маъқуллашади.

Фабио Миретти "Женоа"да ижарада ўйнаб, А Сериянинг ўтган мавсумида 25 та ўйинда 3 та гол урди ва 3 та голли узатмани амалга оширди. Transfermarkt экспертлари футболчининг нархини 14 млн еврога баҳоламоқда.