Жоржина Родригес кеча Криштиану Роналду билан унаштирилганини эълон қилди. Юлдуз футболчи севгилисига турмуш қуришни таклиф қилди ва у “ҳа” деди.
Жоржина ҳатто ижтимоий тармоқларда ўзининг ажойиб олмосли узугини кўрсатди. Американинг Brides журнали бундай узук қанча турадиганини билиш учун заргар Бенжамин Кордипурга мурожаат қилди. Кўриниб турибдики, Криштиану Роналду ҳеч қандай пулни аямаган.

"Бизнинг фикримизча, бу оғирлиги 22 карат, ранги Y ва тиниқлиги VS1 бўлган овал олмос. Рамка платина ва ҳар бири икки карат оғирликдаги иккита овалдан ясалган. Бу узукнинг нархи 1 200 000 долларни ташкил этади", - деди эксперт.













