Саудия Арабистони чемпионати клубларидан бири Мадриднинг “Реал” клуби ҳужумчиси Килиан Мбаппени сотиб олмоқчи.
Саудияликлар француз юлдузи учун катта миқдорда пул тўлашга тайёр. Бу ҳақда Defenca Central хабар бермоқда.
Манбага кўра, номи ошкор этилмаган Саудия клуби “қаймоқранглилар” раҳбариятига 350 миллион евролик рекорд таклиф билан мурожаат қилган.
"Реал Мадрид" президенти Флорентино Перес Мбаппени бундай пул эвазига ҳам қўйиб юборишга тайёр эмас. Футболчининг ўзи ҳам фаолиятини Саудия Арабистонида давом эттирмоқчи эмас.













