Агент Энцо Райола Жанлуиджи Доннарумманинг "ПСЖ" билан шартномаси нега узайтирилмагани ҳақида гапирди.
Парижликлар дарвозабон билан келиша олмади, амалдаги келишув эса келаси ёзда ўз ниҳоясига етади. Парижликлар сафида италиялик ўрнини Люка Шевалье эгаллайди.
"Биз клублар ўртасидаги жаҳон чемпионатигача шартномани узайтириш масаласини муҳокама қилдик. Мураббий бир ой ичида фикрини ўзгартирди деб ўйламайман. Айнан шу нарса мени энг кўп хафа қилади. Ушбу ҳолатларни инобатга олган ҳолда, энг тўғри қарор шартномани узайтирмаслик эди," - деди Энцо Райола Sky Sport’га берган интервьюсида Жанлуижи клубини ўзгартириши ҳақида эълон қилганидан кўп ўтмай.
Доннарумма фаолиятини қаерда давом эттириши ҳозирча номаълум, аммо миш-мишларга кўра, у аллақачон "Манчестер Сити"га розилик билдирган.
