"Пари Сен-Жермен" дарвозабони Жанлуиджи Доннарумма тез орада клубни тарк этади, аммо "Манчестер Юнайтед" уни ўз сафига қўшиб олмоқчи эмас.

Италиялик футболчининг "қизил иблислар" сафига ўтиши мумкинлиги ҳақидаги миш-мишлар футболчининг "ПСЖ"ни тарк этиши ҳақидаги баёнотидан кўп ўтмай рад этилди. The United Stand нашрининг қайд этишича, Доннаруммага "МЮ" томонидан қизиқиш борлиги ҳақидаги гап-сўзлар дарвозабоннинг ўз вакиллари томонидан унга эътибор қаратиш ва мавзуни ОАВда ёритиш учун сунъий равишда қўзғатилган бўлиши мумкин.

Дарвоқе, Доннаруммага Англияда шундоқ ҳам талаб борга ўхшайди: 26 ёшли футболчига асосий даъвогар "Манчестер Сити" ҳисобланади.