"Барселона" хавбеки Фермин Лопес "Манчестер Юнайтед" эътиборида бўлиб турибди.
Журналист Себастьен Видалнинг таъкидлашича, инглиз гранди 22 ёшли футболчи учун "кўк-анорранглилар"га тахминан 80 миллион евро таклиф қилган. Манбага кўра, молиявий қийинчиликлар фонида "Барселона"га бундай таклифни эътиборсиз қолдириш осон эмас, гарчи Лопеснинг ўзи ҳали келажаги борасида бир қарорга келмаган бўлса-да.
Ўтган мавсумда каталонияликлар тарбияланувчиси барча турнирлар ҳисобида 46 та ўйинда майдонга тушиб, 8 та гол урди ва 10 та голли узатмани ўз ҳисобига ёздириб қўйди.
