Германиянинг "Байер" клуби Англиянинг "Брайтон" клубидан Факундо Буонаноттени ўз сафига қўшиб олиш ҳақида ўйламоқда. Ўнг қанот ҳужумкор ярим ҳимоячисига бўлган қизиқиш ҳақида Kicker нашри хабар бермоқда.
Қайд этилишича, "Ливерпуль"га ўтган Флориан Вирцнинг ўрнини "Байер" қанчалик тўлдира олиши кўп жиҳатдан ушбу креатив футболчининг трансферига боғлиқ бўлади.
"Байер" шунингдек, "Монако"дан Магнес Аклиуш номзодини ҳам ўрганиб чиқмоқда, бироқ ҳозирда трансфер Франция чемпионати вакилларининг 50 миллион евродан юқори молиявий талаблари туфайли амалга ошмаяпти.
"Брайтон" Буонаноттени ижарага бермоқчи ёки қимматга сотмоқчи. Катта эҳтимол билан жамоа 20 ёшли аргентиналик футболчи учун 45 миллион евро сўрайди.
