"Наполи" ҳужумчиси Эдинсон Кавани "Челси"га ўтишига жуда оз қолди, дея хабар бермоқда AS.
Испан газетасининг ёзишича, уругвайлик тўпурар Лондон клуби билан шахсий шартномаси борасида бир тўхтамга келиб улгурган.
"Аристократлар" 26 ёшли футболчи учун турли бонуслар ва мукофот пулларини ҳам қўшиб ҳисоблаганда йилига 9 миллион евро тўлайдилар.
Аввалроқ итальянлар инглизларнинг 50 миллион евролик таклифини рад этишганди. Аммо неаполликлар бироз ўтиб нархни 63 миллиондан 60 миллионга туширди. Маълумотларга қараганда, "Челси" ушбу маблағни бўлиб-бўлиб тўлашга тайёр.
