"Манчестер Юнайтед" ҳужумчиси Расмус Хёйлунд "Милан" билан музокараларни давом эттирмоқда.
La Gazzetta dello Sport нашрининг маълум қилишича, Хёйлунднинг атрофидагилар, жумладан, унинг отаси ҳам "россонерилар" раҳбариятига таклиф жиддий кўриб чиқилаётганини билдирган. 22 ёшли футболчининг атрофидагилар "Милан"ни тарихан дунёнинг энг муваффақиятли клубларидан бири сифатида жуда ҳурмат қилади, шунингдек, ҳужумчини бош мураббий Массимилиано Аллегри билан ишлаш истиқболи ўзига жалб қилади.
Тахминларга кўра, "Милан" Расмус Хёйлундни 5 млн еврога ижарага олади ва келаси йили уни 40-45 миллион еврога сотиб олиш имконияти бўлади.
