"Manchester Yunayted" hujumchisi Rasmus Xyoylund "Milan" bilan muzokaralarni davom ettirmoqda.
La Gazzetta dello Sport nashrining ma’lum qilishicha, Xyoylundning atrofidagilar, jumladan, uning otasi ham "rossonerilar" rahbariyatiga taklif jiddiy ko‘rib chiqilayotganini bildirgan. 22 yoshli futbolchining atrofidagilar "Milan"ni tarixan dunyoning eng muvaffaqiyatli klublaridan biri sifatida juda hurmat qiladi, shuningdek, hujumchini bosh murabbiy Massimiliano Allegri bilan ishlash istiqboli o‘ziga jalb qiladi.
Taxminlarga ko‘ra, "Milan" Rasmus Xyoylundni 5 mln yevroga ijaraga oladi va kelasi yili uni 40-45 million yevroga sotib olish imkoniyati bo‘ladi.
