"Бавария" вингери Кингсли Коман "Ан-Наср"га ўтади. Мюнхен гранди франциялик футболчининг Саудия Арабистони клубига трансферини маъқуллади, дея хабар бермоқда инсайдер Фабрицио Романо. 29 ёшли футболчи яқин соатлар ичида Германияни тарк этади. Битим шартлари аллақачон келишилган, бу ҳақда ўтган ҳафта хабар берилган эди.
Кингсли Коман "Ан-Наср" билан 3 йиллик шартнома имзолайди. "Бавария" футболчини сотишдан 30 млн евро ишлаб олади.
Куни кеча "Бавария" спорт директори Кристоф Фройнд Команнинг кетиши ҳақидаги саволга жавоб берар экан, эришилган келишув ва тез орада сотилишини тасдиқлашдан бош тортганди.
