"Ливерпуль" бош мураббийи Арне Слот Англия Премьер-лигаси бошланиши олдидан матбуот анжумани ўтказди.
"Бу йилги мавсумда биз учун Премьер-лигада ўтган йилга қараганда қийинроқ бўлади. Чунки ҳар бир жамоа трансфер бозорида ажойиб иш қилди ва жиддий кучайди. Ўтган мавсумда тайёргарлик кўриш учун кўп вақтимиз бўлмади, бу йил эса турли қийинчиликларга дуч келдик. Албатта, биз тайёрмиз ва энг зўр бўлиш учун бор кучимизни берамиз", - дея қўшимча қилди Арне Слот.
Эслатиб ўтамиз, "Ливерпуль" Англия чемпионатининг янги мавсумидаги илк ўйинини 15 август, жума куни "Борнмут"га қарши ўтказади.
