Июль ойи ўрталарида тиззасидан жароҳат олган “Манчестер Юнайтед” дарвозабони Андре Онана Англия премьер-лигасининг 1-турида “Арсенал”га қарши ўйинда майдонга тушиш учун барча имкониятга эга.
Ўйин 17 август куни бўлиб ўтади.ESPN хабарига кўра, тикланиш жараёни кутилганидан тезроқ кечган.
Дастлаб шифокорлар камерунлик футболчининг икки ойгача майдонга тушмаслигидан қўрқишган, аммо дарвозабон аллақачон умумий гуруҳ билан машғулот ўтказмоқда ва юкламага тайёр.
Энди якуний сўз бош мураббий Рубен Аморимда қолади, у Онанани асосий таркибга киритиш борасида қарор қабул қилади.
