Iyul oyi o‘rtalarida tizzasidan jarohat olgan “Manchester Yunayted” darvozaboni Andre Onana Angliya premyer-ligasining 1-turida “Arsenal”ga qarshi o‘yinda maydonga tushish uchun barcha imkoniyatga ega.
O‘yin 17 avgust kuni bo‘lib o‘tadi.ESPN xabariga ko‘ra, tiklanish jarayoni kutilganidan tezroq kechgan.
Dastlab shifokorlar kamerunlik futbolchining ikki oygacha maydonga tushmasligidan qo‘rqishgan, ammo darvozabon allaqachon umumiy guruh bilan mashg‘ulot o‘tkazmoqda va yuklamaga tayyor.
Endi yakuniy so‘z bosh murabbiy Ruben Amorimda qoladi, u Onanani asosiy tarkibga kiritish borasida qaror qabul qiladi.
