Якшанба тонггида АҚШнинг Чикаго шаҳрида ўтказиладиган UFC 319 турниридан ўрин олган жанглардан бири карддан ечилди.
Аниқроғи, прелим карддан ўрин олган енгил вазн тоифасидаги америкалик Бобби Грин ҳамда бразилиялик Диего Феррейра ўртасидаги жанг ўтказилмайди. Жангнинг бекор қилинишига 38 ёшли Грин сабаб бўлган. Жароҳатми ёки бошқа сабаб, ҳозирча бу ҳақда аниқ маълумот берилмаган.
Маълумот учун, Бобби Грин ҳам, Диего Феррейра ҳам сўнгги жангларида мағлубият аламини тотиб кўришганди. Америкалик кетма-кет иккита жангда ютқазди. Пэдди Пимблетт ва Маурисио Руффига нокаут билан имкониятни бой берди. Феррейра эса Грант Доусонга очколар ҳисобига кўра мағлуб бўлган эди.
