Мадриднинг "Атлетико" клуби шарафини ҳимоя қилаётган англиялик ярим ҳимоячи Конор Галлахер туманли "Альбион"га қайтиши мумкин. Бу ҳақда Fichajes хабар бермоқда.
Журналистлар маълумотига кўра, 25 ёшли футболчининг трансферига Лондоннинг "Тоттенхэм" клуби қизиқиш билдирмоқда. Пойтахт жамоаси хўжайинлари футболчи учун 50 миллион евро тўлашга тайёр. Премьер-лигада Конор аввал Лондоннинг "Челси" клубида ўйнаган.
Ярим ҳимоячи ўтган йилнинг август ойида Мадриднинг топ-клуби сафига қўшилган эди. Хавбек мадридликлар билан 5 йиллик меҳнат шартномасини имзолаган. Transfermarkt портали баҳосига кўра, Галлахернинг бозор нархи 40 миллион еврога баҳоланмоқда.













