"Лидс" клуби расмий сайти ҳужумчи Доминик Калверт-Льюинни ўз сафига қўшиб олганини эълон қилди. 28 ёшли футболчи уч мавсумга - 2028 йилнинг ярмигача шартнома имзолади.
Аввалроқ, Калверт-Льюин тўққиз йил давомида "Эвертон" шарафини ҳимоя қилган. "Ирислар" сафида 273 та расмий ўйинда ҳужумчи ўз ҳисобига 71 та гол ва 22 та голли узатмани ёздириб қўйган.
Англия чемпионатининг 1-турида Калверт-Льюиннинг янги ва собиқ клублари ўзаро тўқнаш келади - "Лидс" 18 август, душанба куни "Эвертон"ни қабул қилади.
Эслатиб ўтамиз, "Лидс" Премьер-лигага баҳорда қайтган ва Чемпионшипда биринчи ўринни эгаллаганди.
