"Арсенал" бош мураббийи Микель Артета жамоасининг савияси юқори эканига ишонч билдириб, унинг Европа футболи элитаси қаторидан жой олганини таъкидлади.
«Айни пайтда "Арсенал" Европанинг топ жамоаларидан бири, аммо биз бу мақомни барқарор натижалар билан мустаҳкамлашимиз керак. Биз клубни бутунлай ўзгартирдик, уни ҳозиргидек қилдик», - дея Артетанинг сўзларини келтиради ESPN.
Англия Премьер-лигасининг 1-турида "Арсенал" сафарда "Манчестер Юнайтед" меҳмони бўлади. Учрашув 17 август, якшанба куни бўлиб ўтади.













