"Ливерпуль" ҳужумчиси Муҳаммад Салоҳ Англия Премьер-лигасининг яна бир рекордига яқинлашмоқда.
33 ёшли футболчи жума куни бўлиб ўтган "Борнмут"га (4:2) қарши биринчи тур ўйинида гол урди. Мисрлик футболчи "Энфилд"да Премьер-лигада 106 та гол урди - бу "Манчестер Сити"нинг собиқ ҳужумчиси Серхио Агуэро билан бир стадионда энг кўп гол уриш бўйича тарихдаги иккинчи натижадир ("Этихад"да 106 та гол). Рейтингда фақат Лондоннинг "Арсенал" клуби собиқ футболчиси Тьерри Анри юқорида жойлашган - унинг "Хайбери"да 114 та голи бор.
Муҳаммад Салоҳ 2017 йилдан буён "Ливерпуль" шарафини ҳимоя қилиб келмоқда. У бунгача "Челси"да ҳам тўп тепган.
