Хавьер Тебаснинг фикрича, "Барселона" ва "Вильярреал" АҚШда ўйнайди.
Аввалроқ Испания футбол федерацияси УЕФАга декабрь ойида Майамида "Барселона" ва "Вильярреал" жамоалари ўртасидаги ўйинни ўтказиш бўйича сўров юборгани хабар қилинганди.
"Ишончим комилки, ўйин жорий мавсумда бўлиб ўтади. Клублар ихтиёрий равишда ўйинни ўтказиш учун ариза беришди. Энди УEФА ва ФИФАнинг рухсатини олишимиз керак.
Клублар қаерда ўйнашни ўзлари ҳал қилишади. Ўз вақтида бу ҳақда гапирилди ва кўплаб клублар бунга рози бўлди", - деди Ла Лига президенти.













