Англиянинг "Вест Хэм" клуби македониялик ярим ҳимоячи Элиф Элмас хизматига қизиқиш билдирмоқда. Бу ҳақда Football Italia нашри хабар бермоқда.
Манбага кўра, футболчи учун Италиянинг 2 та клуби - "Наполи" ва "Торино" ҳам даъвогарлик қилмоқда. "Болғачилар" Элмас борасида аллақачон "РБ Лейпциг"га сўров юборди, бироқ бу борада ҳали ҳеч қандай аниқлик киритилмади.
Аввалроқ, 25 ёшли ярим ҳимоячи Англия ёки Италияда ўйнашни истагани учун "Бешиктош"га ўтишдан ва йилига 5 миллион евро маош олишдан бош тортганди.













