"Фиорентина"нинг қанот ҳимоячиси Робин Госенс "Аталанта"нинг асосий трансфер мақсади бўлиб турибди. Бу ҳақда инсайдер Фабрицио Романо хабар бермоқда.
Таъкидланишича, 31 ёшли немис учун "Аталанта"нинг дастлабки таклифи 12 миллион еврони ташкил қилган. Манбага кўра, "бинафшаранглилар" футболчини бу пулга сотишдан бош тортган, чунки уни жамоанинг асосий футболчиси деб билишади.
Ўтган мавсумда Госенс барча мусобақаларни қўшиб ҳисоблаганда 43 та ўйинда майдонга тушиб, 8 та гол урди ва 10 та голли узатмани ўз ҳисобига ёздириб қўйди.
Transfermarkt мутахассислари ҳимоячининг нархини саккиз миллион еврога баҳоламоқда.
