"Fiorentina"ning qanot himoyachisi Robin Gosens "Atalanta"ning asosiy transfer maqsadi bo‘lib turibdi. Bu haqda insayder Fabrisio Romano xabar bermoqda.

Ta’kidlanishicha, 31 yoshli nemis uchun "Atalanta"ning dastlabki taklifi 12 million yevroni tashkil qilgan. Manbaga ko‘ra, "binafsharanglilar" futbolchini bu pulga sotishdan bosh tortgan, chunki uni jamoaning asosiy futbolchisi deb bilishadi.

O‘tgan mavsumda Gosens barcha musobaqalarni qo‘shib hisoblaganda 43 ta o‘yinda maydonga tushib, 8 ta gol urdi va 10 ta golli uzatmani o‘z hisobiga yozdirib qo‘ydi.

Transfermarkt mutaxassislari himoyachining narxini sakkiz million yevroga baholamoqda.