"Челси" ҳужумчиси Николас Жексон ёзда Лондон клубини тарк этиш ниятида. Футболчида фаолиятини давом эттириш учун бир нечта вариант бор.
Football Insider нашри хабарига кўра, ҳужумчи ўз келажаги борасида бир қарорга келган. Манбага кўра, Жексон дўстлари билан бўлган шахсий суҳбатда "Астон Вилла"га кўчиб ўтиш ниятида эканини айтган. Форвард Бирмингем клуби бош мураббийи Унаи Эмери билан яна ишламоқчи.
Футболчи мутахассис билан "Вильярреал"да ишлагани ҳақида яхши хотираларга эга. Жексонга "Ньюкасл" ҳам қизиқмоқда. Ўтган мавсумда сенегаллик футболчи “Челси” сафида 37 та ўйинда майдонга тушиб, 13 та гол урди ва 6 та голли узатмани амалга оширди. Transfermarkt форвардни 50 миллион еврога баҳоламоқда.
