"Ливерпуль" марказий ҳимоячиси Виржил ван Дейк жамоадоши Федерико Кьезанинг ўйинига юқори баҳо берди.
15 август куни италиялик футболчи "Борнмут" дарвозасига "қизиллар"га ғалаба келтирган голлардан бирини киритди.
Арне Слот шогирдлари Премьер-лиганинг биринчи турида 4:2 ҳисобида зафар қучди. "Феде ажойиб характерга эга, у жуда қаттиқ ишлайди, жароҳатлар билан омадсиз бўлди, лекин биз ҳаммамиз у жамоага қандай таъсир қилиши мумкинлигини биламиз.
У ажойиб инсон ва биз уни ҳаммамиз яхши кўрамиз", - деди ҳимоячи.
