"Манчестер Сити" бош мураббийи Хосеп Гвардиола жамоадаги кўп сонли футболчилар уни хурсанд қилмаётганини тан олди.
Испаниялик мутахассиснинг сўзларига кўра, баъзи етакчилар нафақат бошланғич таркибга, балки қайдномага ҳам кира олмаётган шароитда соғлом рақобат бўлиши мумкин эмас.
"Барча турнирлар учун катта қайдномамиз бўлишини ёқтираман, аммо кимнингдир таркибдан ташқарида қолишини истамайман - бундай шароитда соғлом рақобат ва жанговар руҳни яратиш қийин," - дея Гвардиоланинг сўзларини келтиради The Guardian.
Пеп АПЛнинг биринчи турида турли сабабларга кўра Родри, Фил Фоден, Илкай Гюндоган ва бошқаларнинг хизматларидан воз кечишга мажбур бўлганини эслатди. Гвардиоланинг қўшимча қилишича, клуб таркибни қисқартириш масаласини ҳал қилади.
АПЛ 1-турида "Сити" сафарда "Вулверхэмптон"ни 4:0 ҳисобида мағлуб этди.
