"Manchester Siti" bosh murabbiyi Xosep Gvardiola jamoadagi ko‘p sonli futbolchilar uni xursand qilmayotganini tan oldi.
Ispaniyalik mutaxassisning so‘zlariga ko‘ra, ba’zi yetakchilar nafaqat boshlang‘ich tarkibga, balki qaydnomaga ham kira olmayotgan sharoitda sog‘lom raqobat bo‘lishi mumkin emas.
"Barcha turnirlar uchun katta qaydnomamiz bo‘lishini yoqtiraman, ammo kimningdir tarkibdan tashqarida qolishini istamayman - bunday sharoitda sog‘lom raqobat va jangovar ruhni yaratish qiyin," - deya Gvardiolaning so‘zlarini keltiradi The Guardian.
Pep APLning birinchi turida turli sabablarga ko‘ra Rodri, Fil Foden, Ilkay Gyundogan va boshqalarning xizmatlaridan voz kechishga majbur bo‘lganini eslatdi. Gvardiolaning qo‘shimcha qilishicha, klub tarkibni qisqartirish masalasini hal qiladi.
APL 1-turida "Siti" safarda "Vulverxempton"ni 4:0 hisobida mag‘lub etdi.
