Ҳуқуқлари "ПСЖ"га тегишли бўлган 27 ёшли франциялик ҳимоячи Норди Мукиэле "Туманли Албион"га ўтишга яқин турибди.
Бу ҳақда инсайдер Николо Скира ижтимоий тармоқлар орқали хабар берди.
Манбанинг хабарига кўра, футболчини ўз сафига "Сандерленд" клуби қўшиб олмоқчи.
Инглиз клуби раҳбарияти Мукиэлени сотиб олиш учун тахминан 12 миллион евро ажратишга тайёр. Ҳимоячининг ўзи билан 2029 йилнинг ўрталаригача ҳисобланган узоқ муддатли меҳнат шартномаси тузилади.













