Яқинда "Атлетико" марказий ярим ҳимоячиси Конор Галлахерга "Тоттенхэм" қизиқиш билдираётгани ҳақида хабарлар тарқалган эди. Fichajes хабарига кўра, инглиз футболчиси АПЛнинг яна бир клуби эътиборига тушган.
Манбага кўра, "Кристал Пэлас" Мадрид клуби футболчиси учун "шпорлар" билан трансфер пойгасига қўшилмоқчи. "Бургутлар" бош мураббийи Оливер Гласнер Галлахерни ўз жамоасида кўрмоқчи, чунки ҳужумкор ярим ҳимоячи Эберечи Эзе ёзда клубни тарк этиши мумкин.
Ўтган мавсумда Конор Галлахер "Атлетико" сафида барча мусобақаларда 50 та ўйинда майдонга тушиб, 4 та гол урган ва 6 та голга ҳаммуаллифлик қилган. Transfermarkt маълумотига кўра, 25 ёшли футболчининг нархи - 40 млн евро.
