Yaqinda "Atletiko" markaziy yarim himoyachisi Konor Gallaxerga "Tottenxem" qiziqish bildirayotgani haqida xabarlar tarqalgan edi. Fichajes xabariga ko‘ra, ingliz futbolchisi APLning yana bir klubi e’tiboriga tushgan.
Manbaga ko‘ra, "Kristal Pelas" Madrid klubi futbolchisi uchun "shporlar" bilan transfer poygasiga qo‘shilmoqchi. "Burgutlar" bosh murabbiyi Oliver Glasner Gallaxerni o‘z jamoasida ko‘rmoqchi, chunki hujumkor yarim himoyachi Eberechi Eze yozda klubni tark etishi mumkin.
O‘tgan mavsumda Konor Gallaxer "Atletiko" safida barcha musobaqalarda 50 ta o‘yinda maydonga tushib, 4 ta gol urgan va 6 ta golga hammualliflik qilgan. Transfermarkt ma’lumotiga ko‘ra, 25 yoshli futbolchining narxi - 40 mln yevro.
