"Ан-Наср"нинг испаниялик ҳимоячиси Эмерик Лапорт жорий трансферлар даврида Саудия Арабистонини тарк этишни режалаштирмоқда.
Инсайдер Николо Скиранинг таъкидлашича, Италиянинг "Комо" клуби 31 ёшли Лапортни жамоага ўтишга кўндирмоқчи. Манбага кўра, ҳимоячига 2028 йилгача бўлган меҳнат шартномаси таклиф қилинган. Манбанинг қайд этишича, Лапорт ёзда "Ан-Наср"ни тарк этиши аниқ.
"Ан-Наср" ҳимоячини 2023 йилда "Манчестер Сити"дан сотиб олганди. Лапорт ўтган мавсумда барча мусобақаларда 30 та ўйинда майдонга тушиб, 5 та гол урган.













