"Милан" ЦСКА яримҳимоячиси Кейсуке Хонда билан музокараларни якунлади. Томонлар шартнома борасида бир тўхтамга келишган. Бу ҳақда Sky Italy мухбири хабар тарқатмоқда.
Шундай қилиб, шартнома 4 йил муддатга имзоланади. Ушбу давр мобайнида японнинг итальян клубидаги маоши йилига 2,5 миллион евро бўлади.
Трансфер агар миланликлар бирон-бир футболчисини сотишсагина шу ёзда амалга ошади, акс ҳолда қишга қолади. ЦСКА аввалроқ Хонда билан шартнома узайтирилмаслигини маълум қилганди. Бундан кўринадики, Кейсуке декабрда "россонерлар" сафига эркин агент мақомида келиб қўшилиши мумкин.
