"Севилья", "Марсель" ва Аргентина терма жамоасининг собиқ устози Хорхе Сампаоли Бразилиянинг "Сантос" клубини бошқаришга тайёрлигини маълум қилди. Клуб "Васко да Гама"дан 0:6 ҳисобида мағлубиятга учраганидан кейин Клебер Шаверни ишдан бўшатди.
"Бундай клубда ишлаш учун кўриб чиқилаётганим мен учун катта шараф ва бу жиддий чақириқ. Мен уни қабул қилишга тайёрман, аммо директорлар кенгашидан жамоани кучайтиришга ҳаракат қилишни сўрадим," - деди Сампаоли журналист Сезар Луис Мерлога.
Аргентиналик 65 ёшли мутахассис 2019 йилда "Сантос"да ишлаган. Айни дамда Бразилия терма жамоаси ҳужумчиси Неймар тўп тепаётган жамоа А Серияда 21 очко билан 15-ўринда бормоқда ва хавфли зонадан 2 очко ортда қолмоқда.
