"Манчестер Сити"нинг швейцариялик ҳимоячиси Мануэль Аканжи жамоани тарк этиши мумкин. Аввалроқ, Туркиянинг "Галатасарой" клуби 30 ёшли швейцарияликнинг трансфери бўйича "шаҳарликлар"га расмий таклиф билан чиққани хабар қилинганди.
Журналист Роб Доусоннинг таъкидлашича, "Манчестер Сити" Аканжини Туркияга қўйиб юборишга тайёр, аммо агар клуб таклиф қилинган суммадан қониқса.
Аканжи 2022 йилдан буён инглиз гранди сафида ўйнаб келмоқда. Ўтган мавсумда у барча турнирларда 40та ўйинда қатнашиб, 2та голли узатмани амалга оширди. Transfermarkt экспертлари футболчининг нархини 28 миллион еврога баҳоламоқда.
