"Ливерпуль" ҳужумчиси Муҳаммад Салоҳ Англия профессионал футболчилар ассоциацияси талқинига кўра, АПЛ-2024/25 мавсумининг энг яхши футболчиси деб топилди.
33 ёшли мисрлик футболчи Англия чемпионатида 38 та ўйинда 29 та гол ва 18 та ассистни ўз ҳисобига ёздириб қўйган.
Салоҳ учинчи ва рекорд даражадаги совринни қўлга киритди. Аввалроқ у 2017/18 ва 2021/22 йилги мавсумлар якунларига кўра энг яхши футболчига айланганди. Марк Хьюз, Алан Ширер, Тьерри Анри, Криштиану Роналду, Гарет Бэйл ва Кевин де Брюйне икки мартадан совринни қўлга киритган.
