Лондоннинг "Арсенал" клуби ҳужумчиси Кай Хаверц тиззасидан жароҳат олди. Бу ҳақда журналист Дэвид Орнштейн хабар бермоқда.
Манбага кўра, "Арсенал"нинг тиббий штаби яқин соатларда жароҳатнинг оғирлик даражасини баҳолайди. Бироқ, ҳозирданоқ "канонирлар" Хаверцнинг позициясига янги футболчи сотиб олиш имкониятини кўриб чиқмоқда, дея таъкидлайди журналист.
Ўтган мавсумда 26 ёшли германиялик футболчи барча мусобақаларда 36 та ўйин ўтказиб, 15 та гол урди ва бешта голли узатмани ўз ҳисобига ёздириб қўйди. Айтиш керакки, футболчи турли жароҳатлар туфайли 20 дан ортиқ ўйинни ўтказиб юборди.
