"Манчестер Сити"нинг қанот ҳимоячиси Рико Льюис "Ноттингем Форест" қизиқиш билдираётган бир пайтда жамоа билан 5 йиллик меҳнат шартномасини имзоламоқчи. Бу ҳақда Daily Mail Sport хабар бермоқда.
Манбага кўра, Льюиснинг биринчи турдаги ажойиб ўйинидан сўнг, "шаҳарликлар" 20 ёшли футболчи билан келишувни узайтириш бўйича музокараларни тезлаштирган. Таъкидланишича, футболчи бош мураббий Хосеп Гвардиола билан суҳбат ўтказган ва бу уни шартномани узайтиришга яқинлаштирган. Муҳими, Льюиснинг маоши оширилади.
Рико Льюис "Манчестер Сити" тарбияланувчиси ҳисобланади. Англия чемпионатининг янги мавсуми 1-турида ҳимоячи голли узатмани амалга оширди.
