Пайшанба куни "Лидс" "Милан"дан ҳужумчи трансферини эълон қилди - "товуслар" таркибига Ноа Окафор қўшилди. Матбуот маълумотларига кўра, келишув суммаси 18 миллион фунт (20,82 миллион евро) ни ташкил этган.
BBC хабарига кўра, ушбу келишув расмийлаштирилгач, Англия Премьер-лигасида клубларнинг бир вақтнинг ўзида трансфер харажатлари бўйича янги рекорд ўрнатилди. Бу ёзда таркибни кучайтириш учун АПЛ клублари аллақачон 2,37 миллиард фунт (тахминан 2,74 миллиард евро) сарфлаган.
Аввалги рекорд 2023 йилнинг ёзида қайд этилган эди. Ўшанда Премьер-лига вакиллари янги ўйинчиларни 2,36 миллиард фунтга (жорий курс бўйича 2,73 миллиард евро) сотиб олганди.
Англиянинг амалдаги чемпиони "Ливерпуль" ҳисобланади.
