23 август, шанба куни "Барселона" Ла Лига 2-туридан ўрин олган баҳсда "Леванте" меҳмони бўлади. Diario Sport хабарига кўра, каталонияликлар бош мураббийи Ханс-Дитер Флик ҳужум чизиғида биринчи ўйиндаги каби учликни майдонга туширишни режалаштирмоқда: чапда яна Рафинья, ўнгда Ламин Ямал, олдинги чизиқда Ферран Торрес. Германиялик мураббий олдинги ўйиндаги ўйинчиларнинг ҳаракатларидан мамнун.

Эслатиб ўтамиз, Испания чемпионатининг 1-турида "Барселона" "Мальорка"ни тор-мор этганди - 3:0. Юқоридаги ҳужумкор учликнинг ҳар бири биттадан тўп киритди.

"Кўк-анорранглилар"нинг "Леванте"га қарши учрашуви Тошкент вақти билан 00:30да бошланади.