Мюнхеннинг "Бавария" клуби янги аъзоси Луис Диас жамоадоши - франциялик вингер Майкл Олисе ҳақида фикр билдирди.

"Майкл ўйин услуби билан менга ўхшайди. У дриблингдан фойдаланишни яхши кўради. Олисе кўп голли узатмаларни амалга оширади ва гол уради. Жамоамизга мана шундай савиядаги футболчилар керак. Мен улар билан бирга ўйнашдан фахрланаман," - дея колумбиялик ҳужумчининг сўзларини келтиради немис гранди матбуот хизмати.

Ўтган мавсумда 23 ёшли Олисе Германия Бундеслигасида 34 та ўйинда иштирок этган. У 12 та гол ва 15 та ассистни ўз ҳисобига ёздириб қўйди. "Бавария" билан биргаликда у Германия чемпиони бўлди.