"Комо" бир вақтнинг ўзида "Барселона"нинг икки футболчисини ижарага олади. Гап дарвозабон Иньяки Пенья ва ўнг қанот ҳимоячиси Эктор Форт ҳақида кетмоқда. La Vanguardia нашри тарқатган хабарга кўра иккала футболчи ҳам ижара асосида Италия клубига ўтишга яқин турибди.
26 ёшли Пенья "кўк-анорранглилар"нинг асосий таркибига киришининг деярли иложи йўқ: Жоан Гарсия келганидан кейин у дарвозабон сифатида Ханс-Дитер Фликнинг тўртинчи танлови бўлиб турибди. Каталония гранди 19 ёшли Фортни узоқ муддатли келажак учун яхши вариант сифатида кўрмоқда, аммо жорий мавсумда эмас.
"Комо"нинг ҳозирги бош мураббийи - "Барселона" ва Испания терма жамоасининг машҳур собиқ ярим ҳимоячиси Сеск Фабрегас ҳисобланади.
