"Челси" сардори Рис Жеймс Премьер-лигада ғолиб чиқишни орзу қилмоқда. 2021 йилда англиялик ўнг қанот ҳимоячиси "кўклар" сафида Чемпионлар лигаси ғолиби бўлди, АПЛ чемпионлиги эса ҳали унга насиб этмади.
"Мен қўлга киритишни истаган навбатдаги нарса - Премьер-лига чемпионлиги. Бу жуда қийин - эҳтимол, Чемпионлар Лигасида ғалаба қозонишдан ҳам қийинроқ. Чемпионатда сен бир йил давомида чўққида бўлишинг керак, 38 та ўйинни яхши ўтказиш талаб этилади," - дейди Жеймс Sky Sports Premier League’га берган интервьюсида.
Ўтган мавсумда "Челси" АПЛда тўртинчи ўринни эгаллаганди. Янги мавсумнинг 1-турида Энцо Мареска жамоаси "Кристал Пэлас" билан очко бўлишди (0:0).
