"Барселона" бош мураббийи Ханс-Дитер Флик матбуот анжуманида Хосеп Гвардиоланинг узоқ вақт олдин айтган сўзлари ҳақида савол олди. Гвардиола "тўйинган қорин синдроми" деб аталадиган ҳолат ҳақида гапирган эди, яъни жамоа ғалабаларга тўйиб, футболга бўлган иштиёқини йўқотадиган вазият ҳақида.
"Мен билан Пеп ўртасида катта фарқ бор. У бошқа даражада туради. Мен ҳам у каби кўпроқ ғалаба қозонишни хоҳлайман. Аммо у бошқа даражада," - деди Флик журналистларга.
Эслатиб ўтамиз, "Барселона" ўтган мавсумда ички майдонлардаги барча мусобақаларда - Испания чемпионати, Испания кубоги ва Испания Суперкубогида ғолиб бўлган эди.
