"Манчестер Сити" ҳужумчиси Омар Мармуш жамоа бош мураббийи Хосеп Гвардиола ҳақида фикр билдирди.
"Дунёнинг энг яхши мураббийи билан ишлаш ажойиб. Мен ундан доимо ўрганишга ва ўйинни қандай тушунтиришини тушунишга ҳаракат қиламан. Ҳар бир машғулотда у сени бор кучингни беришга мажбур қилади ва мен дунёдаги энг яхши мураббий қўл остида ишлашдан жуда хурсандман," - дея Мармушнинг сўзларини келтиради Football on TNT Sports.
Мармуш жорий йилнинг январь ойида "Манчестер Сити" футболчисига айланганди. Бу вақт ичида у барча мусобақаларда 26 та ўйинда майдонга тушиб, 8 та гол урди ва 3 та голли узатма муаллифига айланди.
