"Manchester Siti" hujumchisi Omar Marmush jamoa bosh murabbiyi Xosep Gvardiola haqida fikr bildirdi.

"Dunyoning eng yaxshi murabbiyi bilan ishlash ajoyib. Men undan doimo o‘rganishga va o‘yinni qanday tushuntirishini tushunishga harakat qilaman. Har bir mashg‘ulotda u seni bor kuchingni berishga majbur qiladi va men dunyodagi eng yaxshi murabbiy qo‘l ostida ishlashdan juda xursandman," - deya Marmushning so‘zlarini keltiradi Football on TNT Sports.

Marmush joriy yilning yanvar oyida "Manchester Siti" futbolchisiga aylangandi. Bu vaqt ichida u barcha musobaqalarda 26 ta o‘yinda maydonga tushib, 8 ta gol urdi va 3 ta golli uzatma muallifiga aylandi.