Мартин Эдегор жароҳати сабаб “Лидс”га қарши ўйиннинг биринчи бўлимини якунлай олмади.
"Арсенал" сардори Англия чемпионатининг 2-тур учрашувининг 27-дақиқасида елкасидан жароҳат олди. У ўйинни давом эттирди, аммо 38-да Этан Нванерига ўз жойини бўшатиб берди.
Ўтган мавсумда Эдегор Премьер-лигада 30та ўйинда майдонга тушиб, 8та голга ассистентлик қилган.
51-дақиқада “Арсенал”нинг яна бир муҳим футболчиси Букайо Сака сонидан жароҳат олди. Унинг ўрнига Леандро Троссард тушди.
Кейинги турда “Арсенал” Англиянинг амалдаги чемпиони “Ливерпуль” билан учрашади.
