"Барселона" хавбеки Педри "Леванте"га (3:2) қарши ўйиндаги голи ҳақидаги саволга жавоб берди.
Ханс-Дитер Флик жамоаси биринчи бўлимдан сўнг 0:2 ҳисобида мағлуб бўлаётган эди. Айнан Педри 49-дақиқада узоқ масофадан зарба йўллаб, Каталония грандининг камбэкини бошлаб берди.
"Биринчи бўлимда чап оёқда зарба бердим - яхши чиқмади. Гол бўлган вазиятда ўнг оёқда зарба беришга қарор қилдим - бу сафар жуда яхши чиқди. Менга доимо дарвозага тез-тез зарба беришимни айтишади ва агар натижа шундай бўлса, албатта, буни давом эттираман," - деди 22 ёшли испаниялик ўйиндан кейинги интервьюсида.
52-дақиқада Ферран Торрес ҳисобни тенглаштирган бўлса, 91-дақиқада "кўк-анорранглилар"га "Леванте"нинг автоголи ёрдам берди.
